काठमाडौं – आजका ग्राहकहरू एउटै माध्यममा सीमित छैनन्। कोही WhatsApp मा सोध्छन्, कोही Facebook वा Instagram मा मेसेज गर्छन्, कतिपयले पोस्टमा कमेन्ट गर्छन् भने अरूले सिधै फोन वा SMS प्रयोग गर्छन्। यस्तो अवस्थामा व्यवसायहरूले हरेक प्लेटफर्म छुट्टाछुट्टै ह्यान्डल गर्नुपर्दा समय, जनशक्ति र व्यवस्थापनमा ठूलो दबाब पर्ने गरेको छ। यही वास्तविक समस्यालाई ध्यानमा राख्दै AakashTel ले सबै प्रकारका ग्राहक संवादलाई एउटै प्लेटफर्ममा ल्याउने Omnichannel Communication System सार्वजनिक गरेको छ।
यो नयाँ प्रणालीको मुख्य विशेषता भनेको सबै च्यानललाई एकीकृत इनबक्समा ल्याउने क्षमता हो। अब व्यवसायहरूले WhatsApp, Facebook Messenger, Instagram Messenger, Social Media Comments, Calls र SMS बाट आएका सम्पूर्ण इन्टरएक्सन एउटै ड्यासबोर्डमा हेर्न र व्यवस्थापन गर्न सक्नेछन्। यसले “कुन मेसेज कहाँ आयो?” भन्ने अन्योल हटाउँदै ग्राहकसँगको प्रतिक्रिया समय उल्लेखनीय रूपमा घटाउने अपेक्षा गरिएको छ।
AakashTel का भाइस प्रेसिडेन्ट राजन कोईरालाका अनुसार, अहिलेको प्रतिस्पर्धात्मक बजारमा छिटो र व्यवस्थित प्रतिक्रिया दिन सक्ने व्यवसाय नै अगाडि बढ्नेछन्। “ग्राहकले जुन माध्यम रोजे पनि हामीले त्यसलाई तुरुन्तै सम्बोधन गर्न सक्नुपर्छ। Omnichannel Platform ले सबै संवादलाई एकै ठाउँमा ल्याएर त्यो सम्भव बनाउँछ,” उनले बताए।
सामाजिक सञ्जालमा आउने कमेन्टहरूलाई पनि बेवास्ता गर्न नसकिने अवस्था छ, किनकि त्यहीँबाट धेरै सम्भावित ग्राहकहरू उत्पन्न हुन्छन्। यसलाई ध्यानमा राख्दै प्लेटफर्ममा समावेश गरिएको Comments Automation सुविधाले पोस्टमा आएका कमेन्टहरूलाई व्यवस्थित गर्न, आवश्यक प्रतिक्रिया दिन र सम्भावित लिडलाई तुरुन्तै सम्हाल्न सहयोग गर्छ। यसले विशेषगरी डिजिटल मार्केटिङ गर्ने व्यवसायहरूका लागि ठूलो फाइदा पुर्याउने अपेक्षा गरिएको छ।
त्यसैगरी, Calls र SMS लाई पनि यही प्लेटफर्ममा समेटिएकोले ग्राहकले जुनसुकै माध्यमबाट सम्पर्क गरे पनि व्यवसायले एउटै प्रणालीबाट प्रतिक्रिया दिन सक्छ। यसले सेवा अनुभवलाई एकरूप बनाउनुका साथै टोलीको कार्यक्षमता बढाउने कम्पनीको भनाइ छ। Multi Agent Support भएकाले धेरै कर्मचारीहरूले एकैपटक ग्राहकसँग संवाद गर्न सक्छन् भने Real-Time Monitoring ले सम्पूर्ण गतिविधि ट्र्याक गर्न सहयोग गर्छ।
AakashTel ले यो प्लेटफर्मलाई भविष्यका आवश्यकता अनुरूप विस्तार गर्ने योजना पनि अघि सारेको छ। कम्पनीका अनुसार आगामी चरणमा १० भन्दा बढी नयाँ डिजिटल च्यानलहरू जस्तै Telegram, Viber, Email, Web Chat लगायतलाई समावेश गरिनेछ। साथै Artificial Intelligence आधारित Smart Automation, Customer Insight Tracking र Unified Communication Dashboard जस्ता प्रविधि थप्दै यसलाई पूर्ण Digital Communication Hub बनाउने लक्ष्य राखिएको छ।
डिजिटल प्लेटफर्महरूमा ग्राहकको उपस्थिति बढ्दै गएको अवस्थामा, AakashTel को यो Omnichannel समाधानले व्यवसायहरूलाई एकीकृत, छिटो र प्रभावकारी ग्राहक सेवा प्रदान गर्ने नयाँ तरिका दिएको छ। कम्पनीका अनुसार अब सफल व्यवसायहरू ती हुनेछन्, जसले ग्राहक जहाँ छन्, त्यहीँबाट उनीहरूसँग सहज रूपमा जोडिन सक्छन्—र त्यो काम अब एउटै इनबक्सबाट सम्भव भएको छ।
प्रतिक्रिया