इजरायलमा नयाँ सरकार, हटे नेतान्याहू, इरान युद्ध पर्यो भारी, प्रधानमन्त्री बन्न गादीलाई पनि छैन सहज (भिडियोसहित)

काठमाडौं– इजरायलका राष्ट्रपति आइज्याक हर्जोगले विपक्षी दलका नेता तथा पूर्व सैन्य प्रमुख गादी आइजेनकोटलाई नयाँ गठबन्धन सरकार गठनको जिम्मेवारी दिएका छन् । गत हप्ता सम्पन्न निर्वाचनमा वर्तमान प्रधानमन्त्री बेन्जामिन नेतन्याहु र विपक्षी नेता आइजेनकोट कसैको पनि गठबन्धनले १२० सदस्यीय इजरायली संसद (नेसेट) मा स्पष्ट बहुमत ल्याउन नसकेपछि राष्ट्रपतिले दलहरूसँगको निरन्तर छलफलपछि यो निर्णय लिएका हुन् । निर्वाचनमा नेतन्याहुको दक्षिणपन्थी ‘लिकुड’ पार्टी र उसका सहयोगी दलले ५३ सिट जितेका छन् भने आइजेनकोटको मध्यमार्गी ‘यासर’ पार्टी र अन्य तीन यहुदी विपक्षी दलको गठबन्धनले ४८ सिट जितेको छ । इजरायलको इतिहासमा हालसम्म कुनै पनि पार्टीले एकल बहुमत ल्याउन सकेको छैन, जसका कारण त्यहाँ सधैं गठबन्धन सरकार बन्ने गरेको छ । नयाँ सरकार गठनका लागि आइजेनकोटले २८ दिनको समय पाएका छन् । यदि उक्त समयमा पनि सरकार गठन हुन नसकेमा उनलाई थप १४ दिनको समय दिइन सक्ने अन्तराष्ट्रिय सञ्चार माध्यमले उल्लेख गरेका छन् । ६६ वर्षीय आइसेनकोट पूर्वसैनिक प्रमुख हुन् । उनले नेतन्याहूलाई प्रधानमन्त्रीबाट हटाउने उद्देश्यसहित निर्वाचनमा प्रतिस्पर्धा गरेका थिए । राष्ट्रपतिको निर्णयसँगै नेतन्याहूको लामो राजनीतिक वर्चस्व अन्त्य गर्ने प्रयासमा आइसेनकोटले पहिलो अवसर पाका हुन् । तर, उनीसामु सरकार गठन गर्न आवश्यक बहुमत जुटाउनुपर्ने चुनौती भने कायमै छ ।