कोभिडको तथ्यांक सार्वजनिक नगरेको भन्दै चीन आक्रोशित

काठमाडौँ— विश्व स्वास्थ्य सङ्गठन (डब्ल्यूएचओ)ले कोभिड–१९ बाट हुने मृत्युको रिपोर्टिङ पारदर्शी नभएको भनेपछि चीनले आक्रोश व्यक्त गरेको छ। बिहीबार चिनियाँ विदेश मन्त्रालयका प्रवक्ताले बेइजिङले डब्ल्यूएचओसँग नजिकको सञ्चार राखेको र पछिल्लो एक महिनामा बुधबार पाँचौं पटक प्राविधिक जानकारी आदानप्रदान भएको बताएका छन्।

विदेश मन्त्रालयका प्रवक्ता वाङ वेनबिनले पत्रकारहरूसँग बोल्दै दुई पक्षले हालको क्लिनिकल उपचार, महामारीको विकास, अनुगमन र खोपको बारेमा छलफल गरेको बताएका छन्। उनले यस विषयमा स्थानीय स्वास्थ्य अधिकारीहरूले ईयू र अष्ट्रेलियासँग द्विपक्षीय बैठक गरेको पनि जानकारी दिएका छन्।

बुधबार राष्ट्रिय स्वास्थ्य आयोग (एनएचसी) अन्तर्गत चीनको कोभिड १९ प्रतिक्रिया विशेषज्ञ प्यानलका प्रमुख लियाङ वान्नियनले चीनले हालसम्म विश्व स्वास्थ्य सङ्गठनलाई आफ्नो देशमा फेला परेका सबै भेरियन्टहरुको बारेमा अन्तर्राष्ट्रिय समुदायलाई जानकारी गराएको र त्यसो गरिरहेको बताएका छन्।