सरकारलाई विश्वासको मत दिन माधव नेपाललाई प्रचण्डको आग्रह

काठमाडौँ — प्रधानमन्त्री पुष्पकमल दाहाल प्रचण्डले नेकपा (एकीकृत समाजवादीका) अध्यक्ष माधवकुमार नेपाललाई सरकारलाई विश्वासको मत दिन आग्रह गर्नुभएको छ ।

आज बुधवार प्रधानमन्त्री प्रचण्डले नेकपा माओवादी केन्द्रको संसदीय दलको कार्यालय सिंहदरबारमा अध्यक्ष नेपाललाई भेटेर सरकारलाई विश्वासको मत दिन आग्रह गरेको हो । प्रधानमन्त्री प्रचण्डले यही पुस २६ गते प्रतिनिधि सभामा विश्वासको मत लिने तयारी छ ।