ब्राजिली लेजेन्ड पेलेको अन्त्योष्टि

काठमाडौँ — विश्व तथा ब्राजिली लेजेन्ड पेलेको मंगलबार राति अन्त्योष्टि गरिएको छ । पेलेको अन्त्येष्टि कोर्टेज बन्दरगाह सहरको मेमोरियल कब्रिस्तानमा गरिएको हो । जहाँ पेलेलाई १० मंजिला समाधिस्थलमा दाहसंस्कार गर्नुअघि क्याथोलिक अन्त्येष्टि सेवाको आयोजना गरिएको थियो जुन पृथ्वीको सबैभन्दा अग्लो कब्रिस्तानको रूपमा गिनिज वल्ड रेकर्ड राख्छ । अन्त्योष्टि अघि पेलेको पार्थिव शरीरलाई उनको पुर्व क्लब क्लब सान्तोषको अर्बानो काल्डेइरा रंगशालामा २४ घन्टा श्रद्धान्जलीका लागि राखिएको हो । पेलेको पार्थिव शरीरलाई श्रद्धाञ्जली दिन लाइन नै लागेको थियो । ब्राजिलका फुटबल आइकन पेलेको पुरानो क्लबको सहर सान्तोसमा अन्त्येष्टि गरिँदा हजारौं जनता श्रद्धान्जली दिन सडकमा लाइनमा थिए ।

उनको शवलाई फायर ट्रकमा निजी परिवारको अन्त्येष्टिमा लगाउँदा मंगलबार मानिसहरू सडकमा भीड लागेका थिए । तीन पटकको विश्वकप विजेता पेलेको ८२ वर्षको उमेरमा २९ डिसेम्बरमा निधन भएको थियो । निस्सन्देह विश्वको सबैभन्दा महान फुटबलर पेले उनी २०२१ देखि कोलोन क्यान्सरको उपचार गराइरहेका थिए । ब्राजिलको सरकारले उनको मृत्युपछि तीन दिनको राष्ट्रिय शोक घोषणा गरेको थियो । ब्राजिलका राष्ट्रपति लुइज इनासियो लुला दा सिल्भा पनि उनको श्रद्धाञ्जली दिन सान्तोस पुगेका थिए ।

ब्राजिलको झण्डाले ढाकिएको पेलेको शवलाई समर्थकहरूको खचाखच भरिएको सडकमा फायर ट्रकमा लगाइएको थियो । पेलेको घरबाट श्रद्धान्जली परेड निस्कदा उनको १०० वर्षीया आमा सेलेस्टे अरेन्टेस घरमै छिन् । सान्तोस एफसीले २ लाख ३० हजार भन्दा बढी जनता बेल्मिरो स्टेडियममा उनको श्रद्धान्जलीमा उपस्थित रहेको जनाएका छन् । २४ घन्टाको श्रद्धान्जली सभामा रातभर शोक गर्दै श्रद्धान्जली अर्पण गरेका थिए । पेलेको शवलाई सान्तोसमार्फत फायर ट्रकमा परेड गरिएको थियो । ब्राजिलको परम्परा जस्तै प्रशंसकहरूले ‘पेले, १ हजार गोल’ भन्ने नारा लगाए । सयौं मानिसहरूले ठूला–ठूला ब्यानरहरू फहराएका थिए र उनले १० नम्बरको जर्सी लगाएका थिए जुन उनले धेरै प्रसिद्ध बनाएका थिए ।

‘पेले जनताका पेले थिए, उहाँ हामी सबैमा सामेल हुनुभयो ।’ उनले भने, ‘उनी जस्तो अरू कसैलाई भेट्टाउन गाह्रो हुनेछ । विश्वको उत्कृष्ट खेलाडी हुनुको अलावा, उहाँ एक अद्भुत मानव हुनुहुन्थ्यो ।’ सान्तोष क्लबले भनेको छ । सान्तोस एफसी, जहाँ पेलेले आफ्नो क्लब करियरको अधिकांश समय बिताए, सन्तोषले ट्वीट गरे, ‘हाम्रा अनन्त राजा पेले आफ्नो घर भिला बेलमिरोबाट बिदाई भएका छन् ।’