गैह्री गाउँमा सामूहिक हत्या प्रकरणको छानबिन गर्न समिति गठन, घटनामा संलग्न भएको आशंकामा एक जना पक्राउ

काठमाडौँ– तीनकुने गैह्री गाउँमा भएको सामूहिक हत्या प्रकरणको छानबिन गर्न पाँच सदस्यीय छानबिन समिति गठन भएको छ ।उपत्यका प्रहरी कार्यालय, रानीपोखरीले एसएसपी सोमेन्द्रसिंह राठौरको नेतृत्वमा पाँच सदस्यीय छानबिन समिति गठन गरेको हो । गएराति तिनकुनेस्थित दिव्य सःमिलभित्र धारिलो हतियार प्रहार गरेर एकैपरिवारका ३ सहित ४ जनाको हत्या भएको थियो । मारिनेमा दोलखा घर भएका करिब ५५ वर्षीय कुमार भुजेल, उनकी श्रीमती शुभद्र वाइवा र कुमारकी आमा करिब ७० वर्षीया सुमित्रा भुजेल र मोरङ घर भएका करिब १९ वर्षीय नवीन राई रहेका छन् । प्रहरी घटनामा संलग्न रहेको आशंकामा २८ वर्षीय दीपेन्द्र राईलाई पक्राउ गरेको छ ।