सुनको मूल्यमा सामान्य वृद्धि

काठमाडौँ –नेपाली बजारमा सुनको मूल्य सामान्य बढेको छ । हिजो सुनको मूल्य प्रतितोला ९१ हजार ८ सयमा कारोबार भएकोमा आज तोलामा एक सयले बढेको हो । सोमबार सुनको मूल्य तोलामा चार सयले घटेको थियो ।

नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला ९१ हजार ९ सय रुपैयाँ कायम गरिएको छ भने तेजावी सुनको मूल्य प्रतितोला ९१ हजार ४ सय रुपैयाँ कायम गरिएको छ ।

त्यस्तै, आज चाँदीको मूल्य भने स्थिर रहेको छ । हिजो चाँदीको मूल्य प्रतितोला १२४० रुपैयाँमा कारोबार भएकोमा आ पनि सोहि मूल्य कायम गरिएको महासंघले जनाएको छ ।