चाडपर्वले बृहत् राष्ट्रिय एकतालाई सुदृढ गर्नमा मद्दत पुग्ने राष्ट्रपतिको विश्वास

काठमाडौँ – राष्ट्रपति विद्यादेवी भण्डारीले विभिन्न चाडपर्वले बृहत् राष्ट्रिय एकतालाई थप सुदृढ गर्न मद्दत पुग्ने बताउनुभएको छ । तमु ल्होसार पर्वका अवसरमा शुभकामना सन्देश दिँदै राष्ट्रपति भण्डारीले पर्वले सम्पूर्ण नेपालीमा नयाँ उत्साह तथा उमङ्ग छर्दै सभ्य, सुसंस्कृत र प्रगतिशील समाज निर्माणमा अग्रसर हुन प्रेरणा प्रदान गरोस् भन्ने कामना गर्नुभएको छ ।

तमु ल्होसार जस्ता पर्वबाट सबै नेपालीबीच आपसी सद्भाव, सहिष्णुता र बन्धुत्वको भावना अभिवृद्धि हुने उहाँको विश्वास छ । मुलुकको मौलिक सांस्कृतिक सम्पदाको संरक्षण तथा संवद्र्धन गर्दै पर्यटन प्रवद्र्धनमार्फत आर्थिक र सामाजिकरूपमा समृद्ध मुलुक निर्माण गर्नसमेत गुरुङ समुदायले निर्वाह गर्दै आएको भूमिका प्रशंसनीय रहेको राष्ट्रपतिले उल्लेख गर्नुभएको छ ।