प्रधानमन्त्री ओलीले गरे पदभार ग्रहण

काठमाडौँ— नवनियुक्त प्रधानमन्त्री केपी शर्मा ओलीले पदभार ग्रहण गरेका छन् । आज पद तथा गोपनीयताको शपथग्रहणसँगै सिंहदरबार पुगेर उनले प्रधानमन्त्री तथा मन्त्रिपरिषद् कार्यालयको पदभार ग्रहण गरेका हुन् ।

उनले त्यसअघि लैनचौरस्थित सहिद स्मारक पुगेर सहिदहरूको सालिकमा माल्यार्पण गरेका थिए । उनी नेकपा (एमाले)को केन्द्रीय कार्यालय च्यासल पनि पुगेका थिए । प्रधानमन्त्रीसहित सबै नवनियुक्त मन्त्रीहरूले आजनै राष्ट्रपति रामचन्द्र पौडेलबाट शपथग्रहण गरेका थिए ।