काठमाडौँ— कुनै समयका रवि लामिछानेका व्यवासायिक पार्टनर जीवी राई सहकारीका नाममा हजारौलाई विचल्ली बनाएर फरार छन् । जहाँ रविकै नाम समेत मुछिदा कांग्रेस यसलाई एजेण्डा बनाउँदै छ भने सहकारी पिडित पनि केहि हुन्छ कि भन्ने आशामा छन् । तर न त जिवी पक्राउ गर्ने न त छानविन समिति बन्न दिने दुबैमा रवि अड्को थाप्दै छन भने कांग्रेस महामन्त्री गगन थापामाथि त व्यक्तिगत रुपमै उत्रिएका छन् । जसले मुख्य विषय नै डिरेल हुने खतरा बढेको छ ।
सहकारीको छानविनका लागि संसदीय छानविन समिति बनाउनुपर्ने माग राख्दै आएको कांग्रेसलाई पेल्ने रवैया सभामुखले देखाएपछि महामन्त्री गगन थापा कड्किए । गल्ती नभए किन डराएको भन्दै प्रश्न गरेका उनले उपप्रधान तथा गृहमन्त्री रवि लामिछानेले सरकारी संयन्त्रको दूरुप्रयोग गरेको आरोप लगाए । अर्थात एउटा सांसद र कांग्रेस महामन्त्रीका रुपमा उनीले अर्को सांसद तथा गृहमन्त्री रविलामिछानेमाथि प्रश्न उठाए ।
तर संसदमा वोल्न नपाएका रवि संसदभवनबाट बाहिरिदै गर्दा गगनमाथि व्यक्तिगत ईगो मै उत्रिए । कांग्रेसले मागेको छानविन समिति भन्दा आफूलाई अपराधी करार गरको रिसमा उनी देखिए । अनि विषयलाई नै डिरेल गरेर भन्न भ्याए – प्रमाणित भएन भने गगनले राजनीतिमा बाट सन्यास लिने हो ?
तर विषय न कसैको राजिनमाको हो न कोहि दोषी भईसकेको हो । विषय त सहकारी काण्डबारे छानविन हुन पर्यो,त्यसमा प्रमाणहरुले रविको नाम देखाएको त्यसको सत्यतत्थ्य के हो पत्ता लगाउनुपर्यो भन्ने हो । निर्दोष देखिए रविलाई कसैले केहि गर्न सक्ने छैनन् भने दोष देखिए उनले सन्यास नै नदिए पनि रसातलमा पुग्ने छन् । तर छानविन बनाउन किन उनी चाहदैनन् ? त्यसकोप्रष्ट जवाफ उनले दिन सकेका छैनन् । यदि समिति कै कारण उनले राजिनामा दिनुपर्ने अवस्था आए के रास्वपामा अर्को विकल्प छैन यो प्रश्नको समेत उत्तर उनले दिएका छैनन् । जसले उनको गृहमन्त्रीमै भएको लोभको कारण समेत शंका उत्पन्न हुदाँ उनकै कारण सरकार ढल्ने र अस्थिरताको खतरा भए समर्थन फिर्ता नलिई छानविनलाई सघाउन सक्ने विकल्प किन उनले देख्दैनन् यो पनि रोचक छ । जुन प्रश्नहरुले वहसको विषय के हो भन्ने प्रष्ट हुदाँ उनी अरुलाई चुनौती दिने र पत्रकारिता सिकाउनमै व्यस्त छन् ।
यता काग्रेसले त सरकारले छानविन समिति नबनाउने र संसदको अवरोध हटाउन प्रयास पनि नगर्ने निष्कर्ष सहित संसदको अवरोध कायम राख्ने निर्णय गरिसकेको छ । सत्ता नै ढाल्ने उसको उदेश्य भएपनि सहकारीमा संलग्न भएको आक्षेप लागेकामाथि छानविन हुनुपर्ने माग अनुचित छैन । त्यस्तै त्यो समिति समेत रास्वपा र सत्तारुढ अन्य दलकै सांसद समेत सदस्य रहने छन् । तर समिति बनाउन दिन नहुने भन्दै एमालेले सोडा हाल्दा यसले आमनेसामने रवि र गगन बनेका छन् । रवि किन एमालेले वोक्दै छ,कसरी संसदमा वोल्न दिनेमा कांग्रेस लचक भएपनि सभामुख त्यसलाई गलत प्रयोग गर्दैछन् ? त्यसले कसरी आफ्नो वोल्ने पालो मिचिएको छ त्यसको जवाफ खोजिरहेका छैनन् । जसले रवि नै घाटामा पर्दा, संसदीय विधि र मान्यता प्रतिको उनको कमजोर ज्ञान तथा दलहरुको दाउपेचको अनविज्ञतामा गगन त खेल्ने नै भए ।
अहिले देखिने पात्र रवि गगन भएपनि भिडन्त ओली देउवाको हो । त्यस रवि नै सबैभन्दा घाटामा रहँदा सहकारी पिडितहरुका लागि उनीहरुको भिडन्तमै चासो छैन । कसरी यो मुद्धा सम्बोधन हुन्छ ? कसरी रवि समेत त्यसका लागि समेत तयार हुन्छन उनीरुको चासो रहँदा यीनीहरुको झगडाले मुख्य एजेण्डा नै डिरेल हुने खतरा छन् । जुन रविको चहाना हुँदा त्यसबारेको कांग्रेसको सचेतताले यो भिडन्त अझै बढ्ने पक्का छ ।
प्रतिक्रिया