काठमाडौँ — डढेलोले खोटाङको दिप्रुङ चुईचुम्मा गाउँपालिका-४ बतासेको खिसाकामा १ घर, १ मतान र २ गोठ जलेको छ ।
स्थानीय ठूलोभीर बाह्रबिसे सामुदायीक वनमा लागेको डढेलोले बुधबार जीवन राईको घर , जीत बहादुर राईको एउटा मतान र गोठ तथा तारा कुमार राईको मतान जलेको हो ।
![](https://i0.wp.com/yohokhabar.com/wp-content/uploads/2024/03/download-6-1-576x768.jpg?resize=576%2C768&ssl=1)
आगलागीमा परि जीत बहादुर राईको ५ वटा खसी, १ गाई र बाछा ३ तोला सुन ५ तोला चादी २ लाख नगद १एक थाँक्रो मकै लत्ताकपडा साथै छोरा सुबास राईको डकुमेन्टहरु ,तारा कुमार राई २ वटा खसी , जीवन राईको २ वटा खसी पाठापाठी लगायत जलेर नष्ट भएको स्थानीय देवीका राईले बताए । अरू कति केके क्षति भयो अन्य विवरण आउन बाँकी छ।
![](https://i0.wp.com/yohokhabar.com/wp-content/uploads/2024/03/download-4-2-768x576.jpg?resize=720%2C540&ssl=1)
उक्त डढेलोले बतासेको खिसाखा र ढाँडेलाई चारैतिरबाट घेरेको छ । ढाँडेमा डढेलोको जोखिम टर्दै गए पनि खिसाखा क्षेत्रमा जोखिम कायम रहेको पनि राईले बताएका छन् । नेपाल प्रहरी, गाउँ प्रहरी र स्थानीयले डढेलो नियन्त्रणको प्रयास गरिरहेका छन् । वरिपरी चारैतिर फैलिएको जंगलमा डढेलो लागेका कारण वस्ती जोखिममा परेको छ । उक्त डढेलो कस्ले लगाएको हो भन्ने विषयमा पत्ता अनुसन्धान भइरहेको भण्डारे प्रहरी चौकीले जनाएको छ।
![](https://i0.wp.com/yohokhabar.com/wp-content/uploads/2024/03/download-5-1.jpg?resize=540%2C720&ssl=1)
![](https://i0.wp.com/yohokhabar.com/wp-content/uploads/2024/03/download-7-1-768x432.jpg?resize=720%2C405&ssl=1)
प्रतिक्रिया