पहाडी भेगमा हल्का वर्षाको सम्भावना

काठमाडौँ – अहिले (शुक्रबार बिहान) देशका पहाडी भेगमा आंशिक बदली छ । देशका अन्य स्थानमा मौसम सामान्यतया सफा रहेको मौसमविद्ले बताएका छन् ।

मौसम पूर्वानुमान महाशाखाका अनुसार दिउँसो पहाडी भेगका एक दुई स्थानमा हल्का वर्षाको सम्भावना छ । यसबाहेक दिउँसो सुदूरपश्चिमलगायत बाँकी प्रदेशका पहाडी भेगमा आंशिक बदली रही देशका बाँकी स्थानमा मौसम सामान्यतया सफा रहेको महाशाखाले जनाएको छ ।

महाशाखाका अनुसार आज राति पहाडी भेगमा आंशिक बदली रही देशका बाँकी स्थानमा मौसम सामान्यतया सफा रहनेछ । यसैबीच आज बिहान ५:४५ को मापनअनुसार काठमाडौँ उपत्यकाको तापक्रम १०.८ डिग्री रहेको मौसमविद्ले बताएका छन् । पुनः अहिले ८:४५ बजे तापक्रमको अपडेट लिइनेछ । जतिबेला देशका अन्य स्थानमा न्यूनतम तापक्रमको विवरण पनि आउने छ ।