टी-२० विश्वकप: अस्ट्रेलियाको सानदार सुरूवात

काठमाडौँ — आइसिसी टी(२० विश्वकपमा घरेलु टिम अस्ट्रेलियाले विजयी सुरूवात गरेको छ । मंगलबार भएको खेलमा अस्ट्रेलियाले श्रीलंकामाथि ७ विकेटको जित निकाल्यो । श्रीलंकाले दिएको १५८ रनको लक्ष्य अस्ट्रेलियाले ३ विकेटको क्षतिमा १६.३ ओभरमै पूरा गर्‍यो । अस्ट्रेलियाका लागि मार्कस स्टोइनिसले नटआउट ५९ रन जोडे। उनले १८ बलमा ४ चौका र ६ छक्का हिर्काए । कप्तान आरोप फिन्चले ४२ बलमा ३१ रन जोडे। डेभिड वार्नर ११ रन, ग्लेन म्याक्सवेल २३ रन र मिचेल मार्शले १८ रन जोडे ।

बलिङमा श्रीलंकाका धनन्जय डि सिल्भा, चामिका करुणारत्ने र महीस तिक्षनाले १-१ विकेट लिए । त्यसअघि टस हारेर पहिले ब्याटिङ गरेको श्रीलंका ६ विकेटको क्षतिमा १५७ रन जोड्यो । श्रीलंकाका लागि पथुम नसंशाले ४० रन, डि सिल्भाले २० रन र चारिथ असलंकाले नटआउट ३८ रन जोडेका थिए।बलिङमा अस्ट्रेलियाका जोश हजलउड, पाट कमिङ्ग्स, मिचेल स्टार्क, अस्टन अगर र म्याक्सवेलले १(१ विकेट लिए। जितसँगै अस्ट्रेलियाले समूह(१ मा दुई अंक जोड्यो ।