तिनाउ नदीले बगाउँदा एक जना बेपत्ता

काठमाडौँ — बुटवलको तिनाउ नदीले बगाउँदा एक पुरूष बेपत्ता भएका छन् । बुटवल उपमहानगरपालिका वडा नं ११ सिरानगाउँबाट तिनाउ नदी तरेर लुम्बिनी प्रादेशिक अस्पताल तिर जाने क्रममा बुटवल(११ सिरानगाउँ मजुवाका डिल्लीराज अर्याल बेपत्ता भएका हुन् ।

नदीले बगाउँदा बेपत्ता भएका उनको खोजी भइरहेको बुटवल उपमहानगरपालिका वडा नं ११ का वडासदस्य युवराज रानाले जानकारी दिए । उनका अनुसार अर्याल लुम्बिनी प्रादेशिक अस्पताल अगाडि फुटपाथ व्यवसाय संचालन गर्थे ।