भीम रावलले गरे ओलीको चर्को आलोचना

काठमाडौँ—एमालेका नेता भीम रावलले एकल सिफारिस हुँदा पनि उम्मेदवार नबनाएको भन्दै आक्रोश पोखेका छन् ।

उनले बिहीबार काठमाडौंमा पत्रकार सम्मेलन गर्दै नेकपा एमालेका अध्यक्ष केपी शर्मा ओलीको चर्को आलोचना गरेका छन् । उनले पार्टीमा लामो समय योगदान दिएका व्यक्तिहरुलाई टिकट नदिएर चाटुकर र चाप्लुसी गर्नेहरुलाई टिकट दिइएको पनि आरोप लगाए ।

उनले अहिले नेकपा एमालेमा कुनै विधि र अनुशासन कायम नरहेको पनि बताएका छन् । उनले आफूविरुद्ध अनावश्यक भ्रम फैलाउने काम भइरहेको पनि आरोप लगाएका छन् । प्रतिनिधिसभाको निर्वाचनमा टिकट नपाएपछि पत्रकार सम्मेलन गरेर आफूलाई टिकट नदिएर अछामका जनताका अपमान गरेको टिप्पणी गरेका हुन्।