काठमाडौँ — मधेस प्रदेशको प्रदेशसभामा रिक्त विभिन्न विषयगत समितिका सभापतिहरू चयन प्रक्रिया सुरु भएको छ । यसका लागि माघ २४ मा प्रदेशसभा उम्मेदवारी दर्ता हुने भएको छ ।
प्रदेशसभा सचिवालयका सचिव रञ्जितकुमार यादवले प्रदेशसभाअन्तर्गतको रिक्त सार्वजनिक लेखा समिति, प्राकृतिक स्रोत तथा वातावरण समिति र कृषि तथा भूमि व्यवस्था समितिको रिक्त सभापति चयन प्रक्रियाका सूचना जारी गरेका हुन् ।
सूचनामा विषयगत संसदीय समितिहरू सभापतिका लागि उम्मेदवारी दर्ता गराउन सचिवालयले आह्वान गरेको हो । जारी गरिएको सूचनामा प्रदेशसभा कार्य सञ्चालन नियमावली २०७५ को नियम १४९ को उपनियम (३) अनुसार माघ २४ मा सोमवार बिहान ११ बजेदेखि बेलुका ५ बजेसम्म उम्मेदवारी दर्ताको समय तोकेको छ ।
प्रमुख प्रतिपक्षी दलका प्रदेशसभा सदस्य सार्वजनिक लेखा समितिका सभापति हुने कानुनी व्यवस्था छ ।
प्रतिक्रिया