अमेरिकामा बालेनका सेड्युल, ट्रम्पसँग होला भेट ? विश्वकै ध्यान खिच्ने यी हुन् मुख्य ४ एजेन्डा (भिडियोसहित)

काठमाडौं– विपुल जनमतसहित दुईतिहाइ बहुमतनजिकको शक्तिशाली प्रधानमन्त्री बनेका बालेन्द्र शाह, सरकार गठनको पाँच महिनापछि पहिलो विदेश भ्रमणका लागि मंगलबार अमेरिका प्रस्थान गर्दैछन् । उनी यही असोज ६ गतेदेखि १२ गतेसम्म संयुक्त राष्ट्रसंघको मुख्यालय न्युयोर्कमा सञ्चालन हुने राष्ट्रसंघको ८१औँ महासभामा भाग लिन अमेरिका जान लागेका हुन् । प्रधानमन्त्री बनेपछिको पहिलो विदेश भ्रमण, त्यसमाथि महासभामा प्रधानमन्त्रीका हैसियतमा शाहले गर्ने पहिलो सम्बोधनले सबैको ध्यान तानेको छ । जसमा गत भदौ १० गतेको महाप्रलयकारी भोटेकोशी बाढीले निम्त्याएको संकटलाई पृष्ठभूमिमा राख्दै जलवायु परिवर्तनबाट नेपालले भोग्नुपरेको क्षतिको विषयलाई उनले प्रमुखताका साथ उठाउँदैछन् । १३१ देशका राष्ट्र प्रमुख तथा सरकार प्रमुख सहभागी हुने उक्त मञ्चमा शाहले जलवायु न्याय र क्षतिपूर्तिलाई प्राथमिकतामा राखेर गर्ने सम्बोधनप्रति विश्वकै चासो बढेको छ ।