बालेन क्याबिनेट ः मन्त्रीको सदन बंक, राईले ठेगान लगाए, सुधन–स्वर्णिमकै खोजी, सभामुख निरीह (भिडियोसहित)

काठमाडौं— विनियोजन विधेयक २०८३ को विभिन्न शीर्षकहरुमाथि मन्त्रालयगत छलफल जारी रहँदा सम्बन्धित मन्त्रालयका मन्त्रीहरू नै उपस्थित नहुने प्रवृत्तिले सदनलाई नै गिज्याउन थालेको छ । बजेटमाथिको मन्त्रालयगत छलफलमा सम्बन्धित मन्त्रीको उपस्थिति अनिवार्य छ, तर मन्त्रीहरूकै अनुपस्थितिका कारण पटक–पटक बैठक स्थगित गर्नुपर्ने बाध्यता सिर्जना भएको हो । मंगलबार प्रधानमन्त्री कार्यालय, राष्ट्रपति तथा उपराष्ट्रपतिको कार्यालयसहित आठ मन्त्रालयका लागि विनियोजन गरिएको बजेटमाथि छलफल भइरहँदा मन्त्रीहरू उपस्थित नभएपछि १५ मिनेटका लागि बैठक स्थगित गर्नुप¥यो । छलफलका क्रममा तीन जना मात्र मन्त्री उपस्थित भएपछि नेकपाका सांसद गोपाल शर्माले नियमापत्ति जनाएपछि सभामुख डीपी अर्यालले बैठक स्थगित गरेका हुन् ।