इजरायलमा प्रधानमन्त्री बेन्जामिन नेतान्याहु सरकारविरुद्ध प्रदर्शन भएको छ ।
हजारौँ मानिस सडकमा उत्रिएर प्रदर्शन गरेका छन् । गाजामा बन्धक बनाएका ६ जनाको शव फेला परेपछि प्रदर्शन सुरु भएको अन्तर्राष्ट्रिय सञ्चार माध्यमहरुले जनाएका छन् । तेल अभिभ, जेरुसेलम र अन्य धेरै सहरमा इजरायली झण्डा बोकेर प्रदर्शनकारीहरू सडकमा निस्किएका छन् ।
प्रधानमन्त्री नेतान्याहुको सरकारले बन्धकहरूलाई रिहा गर्न हमाससँग सम्झौता गर्नुपर्ने इजरायली नागरिकको माग छ।गत वर्ष अक्टोबर ७ मा इजरायलमा हमासले आक्रमण गरेपछि गाजामा सयौँ मानिसलाई बन्धक बनाएको थियो।इजरायलको ट्रेड युनियनले आज देशव्यापी हडतालको घोषणा गरेको छ।
बन्धकहरूको रिहाइका लागि सरकारले जतिसक्दो चाँडो हमाससँग सम्झौता गर्नुपर्ने उसको माग छ।
प्रतिक्रिया