मोरङको उमागौरी सहकारी ठगी प्रकरणमा मुछिएकी संघीय संसदको लेखा समिति सभापति ऋषिकेश पोखरेलकी पत्नी अञ्जला कोइराला आज जिल्ला अदालत मोरङमा उपस्थित भएकी छिन् ।
सहकारीको २२ करोड ४८ लाख २७ हजार ७ सय रुपैयाँ हिनामिना प्रकरणमा दोषी ठहर गर्दै मंसिर २७ गते जिल्ला सरकारी वकिल कार्यालयले अञ्जलासहित २६ जनाविरुद्ध मुद्दा दायर गरेको थियो । मुद्दा दायरपछि विराटनगरको महेन्द्र रात्रि माविकी शिक्षिका रहेकी कोइराला फरार थिइन्।
न्यायाधीश अरुणकुमार झाको इजलासले सहकारीका अध्यक्ष श्यामकुमार रौनियार र अञ्जलासहित २५ जनाविरुद्ध ३५ दिने पक्राउ पुर्जी जारी गरेको थियो । अदालतका सूचना अधिकारी हेमबहादुर बुढाथोकीका अनुसार बयान सकिएपछि थुनछेक बहस हुनेछ ।
प्रतिक्रिया