ललितपुर घटनाको खास खुलासा, १७ युवाले हामफालेपछि प्रहरी नै चकित, अझै भेटिएनन् शाही (भिडियोसहित)

काठमाडौँ— होलीकै दिन ललितपुरको ढोलाहिटीमा दुई युवाको हत्या हुनेगरी भएको घटनामा चार जना पक्राउ परेका छन् । पाँच जनामाथि कर्तव्य ज्यानसम्बन्धी कसुरमा मुद्दा चलाउन अनुुसन्धान भइरहेको छ । उक्त घटना हुनुको प्रमुख कारण बदला भाव र उत्तेजना देखिन्छ । उता कैलालीमासमेत उत्तेजनाकै उपज स्वरुप भएको घटनामा एक युवा अँझै बेपत्ता छन् ।

देश होलीको रङ्गमा झुमिरहेका बेला ललितपुर र कैलालीमा दुःखद् घटना भए । ललितपुरको ढोलाहिटीस्थित एक रेष्टुरेन्टमा दुई जनाको विभत्स हत्या भयो । पाँचथरका पुजन राई र काठमाडौंका रेवश राईको हत्यामा संलग्न रहेको आरोपमा प्रहरीले डी पोपिना रेस्टुराँका मालिकसहित चार जनालाई पक्राउ गरेको छ । पक्राउ पर्नेमा ३१ वर्षीय विजय राई र ३० वर्षीय सुलभ राई, ३८ वर्षीय विशाल हाड मुकारूङ राई र २५ वर्षीय छेङ्वीहाङ राई छन् । विजय र सुलभ रेस्टुरेन्टका मालिक हुन् ।
कसरी भएको थियो घटना ?
आइतबार होली भएकाले रेस्टुरेन्टमा दिनभर विशेष गरी मदिरा सेवन गर्नेहरुको चलहलपहल थियो । रेस्टुराँका मालिकसहित ८÷१० जना त्यहाँ बसेर रमाइलो गरिरहेका थिए । त्यसैमा थिए– साहिल श्रेष्ठ । राती करिब ८ बजेको समयमा रेष्टुरेन्टमा छेङ्वीहाङ राई, नाम्नु हाङ राई, विराट राई र अनन्त राई मदिराले मातिएर त्यही ठाउँमा पुग्छन् । त्यहाँ पुगेर छेङ्वीहाङ राईको समूहले साहिल श्रेष्ठसँग विवाद गर्न खोजेपछि रेष्टुरेन्टभित्रै झगडा सुरू भयो ।

त्यसपछि सुलभले राईको समूहलाई त्यहाँबाट निकालेपछि छेङ्वी हाङले रेवश राईलाई फोन गरेका थिए । त्यसपछि अर्को हूल आएर मेरो भाईहरुलाई धम्क्याउने होच्याउने तिमीहरु को हौ भन्दै रेन्टुरेन्ट सञ्चालकलाई धम्क्याउन थाले । त्यहाँ फेरि हाताहातको स्थिति सिर्जना भइसकेपछि आवेगमा रहेका विजयले किचनबाट चक्कु लिएर आउँछन् । त्यसबेला पुजन बाहिरै उभिएका थिए । पुजनले विजयलाई यस्तो गर्न हुन्न भन्दै रोक्न खोज्छन् । तर, चक्कु खोस्न खोज्दा उनको तीघ्रामा चक्कु लाग्यो । उनलाई सम्हाल्न खोज्दा विजयले रेवशको छाती र कोखामा चक्कुले प्रहार गरे । तर पाटन अस्पताल पु¥याईएपछि दुबै जनालाई मृत घोषणा गरिएको थियो

यो घटनामा रेस्टुरेन्टका सञ्चालक विजयले नै चक्कु प्रहार गर्दा २ युवाको मृत्यु भएको निष्कर्ष प्रहरीले निकालेको छ । विजय यसअघि पनि लागूऔषधको कसुरमा २ वर्ष जेल बसेका थिए । रेस्टुरेन्टका अर्का सञ्चालक सुलभले प्रमाण नष्ट गर्ने र घटनालाई नियोजित रुपमा लुकाउने प्रयास गरेको अनुसन्धानबाट खुलेको छ । अर्का प्रतिवादी विशाल भने मृतक रोबस र छेङ्वीहाङसँग विवाद गर्ने व्यक्ति हुन् । उनीहरुको विवादको जडले दुई युवाको ज्यान गएको निष्कर्ष प्रहरीले निकालेको छ ।

यसरी सबै घटनाक्रम हेर्दा यो हत्या बदलाको भावले भएको देखिन्छ । त्यसबाहेक गत तिहारमा साहिल श्रेष्ठले छेङ्वीहाङ राईलाई होच्याउने खालका शब्द बोलेपछि २ समूहबीच विवाद भएको थियो । त्यसैको बदला लिनखोज्दा अर्को घटना भएको देखिन्छ । तरपनि हत्या नै गर्ने योजना भने कसैको पनि थिएन । तर, मदिराको मातमा आवेशमा घटना भएको देखिन्छ ।
उता सोमबार कर्णाली नदीको पुलमा होली खेल्नेहरु अरु दिनझैं फोटो खिच्नमै ब्यस्त थिए ।

एकएक एक हुद दौडिँदै पुलको रेलिङसमम आइपुग्छ । प्रत्यक्षदर्शीहरुका अनुसार स्थानीय बजारमा होली चल्दैथियो । अर्धनग्न अवस्थामा रहेका १७ जनाको समूह धमाधम कर्णाली नदीमा हाम्फाल्छन् । वेगमा आएका उनीहरुलाई त्यहा रमिता हेरिरहेका मानिसहरुले समेत रोक्न सकेनन् । प्रहरीका अनुसार १६ जना सकुसल रहे पनि कैलालीको लम्कीचुहा नगरपालिकाका ३० वर्षीय लोकेन्द्र शाही बेपत्ता छन् । उनको सशस्त्र प्रहरीको गोताखोरले खोजी गरिरहेको छ ।

यी दुबै घटना आवेश र उत्तेजनाका उपज रुपमा देखिएका छन् । उसैपनि पछिल्लो समय रिलेसनसिप, पारिवारिक बेमेल लगायतका कारण हत्याका श्रृंखला बढ्दै गएका छन् । यस्ता घटनाबारे सामाजिक र मानसिक चेतनामा विकास गर्नु आवश्यक भइसकेको छ ।