छैटौं टी२० मा पाकिस्तानमाथि इंग्ल्याण्डको जित

काठमाडौँ — पाकिस्तानविरुद्धको टी२० क्रिकेटमा इंग्ल्याण्डले ८ विकेटको जित हात पारेको छ । शुक्रबार राति भएको खेलमा पाकिस्तानले दिएको १७० रनको लक्ष्य इंग्ल्याण्डले दुई विकेट गुमाउँदै ३३ बल अगावै पूरा गरेको हो ।

इंग्ल्याण्डलाई जित दिलाउने क्रममा फिल सल्टले अविजित ८८ रनको पाली खेले । पाकिस्तानका लागि सहाब खानले दुई विकेट लिएका थिए ।

यसअघि ब्याटिङ गरेको पाकिस्तानले निर्धारित २० ओभरमा ६ विकेटको क्षतिमा १६९ रन बनाएको थियो । पाकिस्तानका लागि कप्तान बाबर आजमले अविजित ८७ रनको पाली खेलेका थिए ।

इंग्ल्याण्डका लागि डेभिड विली र साम करनले समान २र२ विकेट लिए । यससँगै सात खेलको सिरिजमा इंग्ल्याण्डले ३–३ को बराबरी गरेको छ ।