काठमाडौँ – काठमाडौँ उपत्यकामा जारी निषेधाज्ञा फेरि एक साता थपिएको छ । काठमाडौँ, भक्तपुर र ललितपुरका प्रमुख जिल्ला अधिकारीको संयुक्त बैठक निषेधाज्ञालाई थप एक साता बढाउने निर्णय भएको हो ।
काठमाडौँका प्रमुख जिल्ला अधिकारी कालीप्रसाद पराजुलीका अनुसार संक्रमण दर कम हुँदै गएकाले निषेधाज्ञालाई केही खुकुलो पारिएको समेत बताउनुभयो । पराजुलीका अनुसार अब तरकारी तथा खाद्यान्न पसल बिहान ११ बजेसम्म खुल्ने र अनलाइन डोम डेलिभरी सेवा पनि सञ्चालन हुने जानकारी दिनुभयो ।
![](https://i2.wp.com/yohokhabar.com/wp-content/uploads/2021/06/198788310_1896125210561130_548356358691662490_n-1-1.jpg?ssl=1)
![](https://i2.wp.com/yohokhabar.com/wp-content/uploads/2021/06/198790139_1896125277227790_3213046953106729407_n-1.jpg?ssl=1)
![](https://i2.wp.com/yohokhabar.com/wp-content/uploads/2021/06/199574869_1896125343894450_5554836439704497710_n-1.jpg?ssl=1)
शैक्षिक सत्र सुरु हुने बेला भएकाले प्रशासनले पुस्तक पसल पनि खोल्न दिने निर्णय गरेको छ । जसअनुसार पुस्तक पसल बिहान ११ बजेसम्म खुल्नेछन् ।
अपरान्ह ४ बजेपछि हार्डवेयर पसल पनि खोल्ने निर्णय भएको छ । हालै निर्माणका कार्यलाई सहजीकरण गर्न गृहमन्त्री खगराज अधिकारीले ७७ जिल्लाकै प्रमुख जिल्ला अधिकारीलाई निर्देशन दिएका थिए ।
प्रतिक्रिया