ओली–देउवा र प्रचण्डको नयाँ उथलपुथल, रवि हतियार, बालेनको सत्ता ढाल्ने यस्ता छन् नयाँ–नयाँ अस्त्र (भिडियो सहित)

काठमाडौं–नेपालको राजनीतिमा झन्डै तीन दशकदेखि नेतृत्व तहमा रहेर पटक–पटक मुलुकको सत्ता सम्हालेका तीन पात्र हुन्– देउवा, ओली र प्रचण्ड । अझै पनि विभिन्न षड्यन्त्र गरेर राजनीतिमा छिर्के दाउ हानिरहेका पहिलो पात्र हुन्— पाँचपटक प्रधानमन्त्री भएका र दुईपटक नेपाली कांग्रेसको नेतृत्व सम्हालेका पूर्वसभापति शेरबहादुर देउवा । देउवा अझै पनि सक्रिय राजनीतिमै रहिरहन चाहन्छन् । किनकि कांग्रेसको विधानले उनलाई तेस्रोपटक सभापति हुन रोके पनि पार्टी फुटाएर होस् वा नयाँ पार्टी बनाएर, फेरि सक्रिय राजनीतिमै रहिरहने कसरतमा उनी छन् ।

त्यसैअनुरूप उनले बिहीबारदेखि कांग्रेस इतरपक्षको वडा अधिवेशन नै सुरु गरेर महाधिवेशन केन्द्रित गतिविधि अगाडि बढाएका छन् । उमेरले चारबिसा कटिसकेका देउवा अझै पनि मौका पाउनासाथ प्रधानमन्त्री बन्ने षड्यन्त्र बुन्दैछन् । देउवा यस्ता पात्र हुन्, जो नबोलेरै पनि भित्रभित्रै धेरै रणनीति बनाएर अघि बढ्छन् । तर पछिल्लो एक वर्षमा उनलाई आफ्नैहरूले धोका दिँदा उनको राजनीतिक जीवनको बर्हिमगन भने दुःखद हुने देखिँदैछ ।