काठमाडौं– ‘देश बनाउँछु’ भन्दै दुईतिहाइको भारी बोकिरहेको राष्ट्रिय स्वतन्त्र पार्टी (रास्वपा)ले आफ्नै महाविधेशन व्यवस्थित गर्न नसकेपछि कार्यकर्ता नै रुष्ट बनेका छन् । सभापति निर्वाचित भइसके । तर, महाधिवेशन प्रतिनिधिको टुंगो लागेको छैन । भोट हाल्न मेसिन ठड्याइएका छन् । बाहिर पोष्टरहरुको थुप्रो लागेको छ । नाम लोकतन्त्रको छ । काम सारा अलोकतान्त्रिक भइरहेको छ । बुधबार पार्टी नेतृत्वको कमजोर व्यवस्थापनका कारण वाक्क प्रतिनिधिहरु नै घर फर्किन थालिसकेका थिए । उद्घाटन् सत्रदेखि निर्वाचन प्रकृयासम्ममा देखिएको भद्रगोल अवस्थाले रास्वपा कुनै पनि कोणबाट पुराना दलहरुभन्दा फरक देखिएन ।
प्रतिनिधि व्यवस्थापनमा हदैसम्मको कमजोर व्यवस्थापन ः
महाधिवेशन प्रतिनिधि टुंग्याउने र उनीहरुको व्यवस्थापनका सवालमा रास्वपा नेतृत्व पूर्णयता असफल जस्तै देखियो । बन्दसत्रमा सहभागी हुने प्रतिनिधिबारे विवाद हुँदा बन्दसत्र नै एक दिन धकेल्नुप¥यो । प्रतिनिधिहरुलाई मंगलबार बल्ल परिचयपत्र वितरण गरिएको थियो । कतिपय प्रतिनिधिहरुले आफ्नो नाम सूचीबाट हटाइएको दाबी गरेका थिए । यति मात्र होइन, रवि लामिछानेसँग सभापतिमा चुनाव लड्ने घोषणा गरेकै कारण भोला साह कानु प्रतिनिधि बन्नबाटै वञ्चित बनेका थिए । त्यसपछि प्रतिनिधिहरुको सूची टुंग्याउन सकस परेकै कारण बुधबार पनि कार्यतालिका प्रभावित भयो । जबकि को, कति प्रतिनिधि हुने उनीहरुका परिचयपत्र महाधिवेशन सुरु नहुँदै छापिनुपर्ने थियो । ढिलो गरी सुरु भएको निर्वाचन प्रक्रिया पनि भद्रगोल भएको छ । निर्वाचन प्रक्रिया लम्बिँदै गएपछि रवि र बालेन निकटका धेरै जसो उम्मेदवारहरु नै महाधिवेशनस्थल छोडेर हिँडेका छन् । केहीले उम्मेदवारी समेत फिर्ता लिएको चर्चा छ ।
देश
प्रतिक्रिया