काठमाडौं— सरकार सञ्चालनको तीन महिनामा समेत सोचअनुरूपको परिणाम नआएपछि बालेन सरकारले कर्मचारीमाथि दबाब बढाउँदै गएको छ । जनताको उच्च आकांक्षाका बीच बनेको प्रधानमन्त्री बालेन शाह नेतृत्वको सरकार कर्मचारीलाई सेवाबाट अवकाश दिने आन्तरिक तयारीमा छ । यसलाई सरकारले नतिजामा अवरोध हटाउने योजनाका रूपमा अघि सारेको छ । त्यति मात्र होइन, प्रधानमन्त्रीले कर्मचारीले भनेअनुरूप काम नगरे राम्रो नहुने भन्दै चेतावनी दिन थालेका छन् । राहदानी विभागका महानिर्देशक तीर्थराज अर्याल र निर्देशक सुनिल केसीलाई राहदानी छपाइ ठेक्का प्रकरणमा अख्तियारले पक्राउ ग¥यो । तर, पछि खुलासा भयो– त्यो प्रधानमन्त्री बालेनको दबाबमै भएको हो । सोमबार दिउँसो प्रधानमन्त्री शाहको सचिवालयले अख्तियार प्रमुख प्रेमकुमार राईलाई सिंहदरबार बोलाएर राहदानी छपाइ ठेक्का प्रकरणमा तत्काल अनुसन्धान अगाडि बढाउन दबाब दिएका थिए । प्रधानमन्त्रीले तुरुन्त अनुसन्धान नगरे ‘राम्रो नहुने’ धम्की दिएको बुझिएको छ । अनुसन्धानको प्रगति र प्रक्रियाबारे अख्तियारको ब्रिफिङ सुन्नुभन्दा पनि प्रधानमन्त्री राहदानी विभागका महानिर्देशक तीर्थराज अर्याल र निर्देशक सुनिल केसीलाई पक्राउ गर्नुपर्ने अडानका साथ प्रस्तुत भएका थिए । तर, प्रधानमन्त्रीको सचिवालय भने यसलाई दबाब नभई अनियमितता भएपछि गरिएको कानुनी कारबाहीको पाटो भएको दाबी गर्दै आएको छ । त्यति मात्र होइन, सरकार अध्यादेश ल्याएरै भए पनि कर्मचारीलाई अवकाशमा पठाउने तयारीमा छ ।
देश
प्रतिक्रिया