काठमाडौं— ‘अति गरेपछि खति हुन्छ’ भनेझैँ, फागनु २१ को निर्वाचनमा आफूलाई मधेशको मसिहा ठान्ने मधेशवादी दलहरूको ‘खुद्रे सटर’ बन्द भयो । त्यसमाथि मधेश प्रदेश सरकारबाट पनि ती दलहरू बढारिएपछि अहिले मधेश प्रदेशको राजनीति ऐतिहासिक मोडमा पुगेको छ । संविधान जारी भएपछि निरन्तर प्रभाव जमाउँदै आएका मधेश केन्द्रित दलहरू पहिलोपटक पूर्ण रूपमा सत्ता बाहिर पुगेका छन् । आठ वर्षसम्म प्रत्यक्ष वा अप्रत्यक्ष रूपमा प्रदेश सरकारको नेतृत्व वा सत्ता साझेदारीमा रहेका जनता समाजवादी पार्टी (जसपा), जनमत पार्टी र लोकतान्त्रिक समाजवादी पार्टी (लोसपा) अहिले मधेश प्रदेशमा प्रतिपक्षी बेन्चमा छन् । गणतन्त्र स्थापनापछि कुनै न कुनै नाममा मधेशवादी दलका नेताहरूको सत्तामोह खुबै देखिन्थ्यो, तर अहिले सबै गुमेपछि मधेशवादी दलका नेताहरूको छटपटी विचित्रको छ ।
देश
प्रतिक्रिया