काठमाडौं— नेपालको राजनीतिमा नेकपा एमालेका अध्यक्ष केपी शर्मा ओलीले विकसित गरेको ‘बा’को विरासत ढाल्न निवर्तमान प्रधानमन्त्री सुशीला कार्कीलाई ‘आमा’ को रूपमा स्थापित गराइएको थियो । ओलीलाई “भरौटेको मात्रै ‘बा’ भइस्” भनेका हालका प्रधानमन्त्री वालेन्द्र शाह बालेनले नै सुशीला कार्कीलाई अन्तरिम सरकारको प्रधानमन्त्री बनाउने जेन–जीको प्रस्तावमा हरियो झण्डा देखाएका थिए । बालेनले नै पहिलो महिला प्रधान्यायाधीश रहेकी पूर्वप्रधानन्यायाधीश कार्कीलाई प्रधानमन्त्रीमा स्वीकारेपछि पहिलो महिला प्रधानमन्त्री बन्ने सौभाग्यसमेत कार्कीले प्राप्त गरेकी थिइन् । त्यहीबाट सुशीला र बालेनबीच आमा–छोराको बेजोड सम्बन्ध स्थापित भएको थियो । तर, अहिले आमा छोराको सम्बन्धमा दरार पैदा भएको छ । पटक पटक आमा भनेर सम्बोधन गरेका बालेनमाथि नै अहिले कार्की फायर बनेकी छन् । प्रधानन्यायाधीशमा वरिष्ठताको वरीयतामा रहेकी सपना प्रधान मल्ललाई किनारा लगाएर चौथो वरीयताका डा.मनोज शर्मालाई नियुक्त गरेपछि कार्कीले बालेनको कार्यशैलीप्रति रोष प्रकट गरेकी हुन् ।
देश
प्रतिक्रिया