हिजो जसले देश बनाउँछ भन्ने चर्चा गरेका थिए, आज उसैलाई पाइलापाइलामा डर देखाएर अवरोध गर्न थालेको विषय बाहिरिएपछि भोट दिएका जनता नै शोकमा पर्ने अवस्था आएको छ । त्यसमा पनि गैरजिम्मेवार लफङगा शैलीमा एकजना मन्त्री भन्दैछन्– तपाईंको भोट फिर्ता लैजानुस् । के यसकै लागि यीनीहरुलाई सत्तामा पु¥याएको हो ।
फलतः हिजो अत्याधिक विश्वाससहित जनमत दिएका जनताहरु नै आज विरोध गरिरहेका छन् ।
यी महिला हिजो रास्वपा जिन्दावाद, रवि–बालेन र सुदन जिन्दावाद भन्दै नारा लगाउँथिन् । आफ्नो समस्या समाधान हुन्छ भन्ने पूर्ण विश्वासमा थिइन् । तर आज, रुँदै अब मर्ने कि बाँच्ने भन्दै सांसदहरुलाई सुनाइरहेकी छन् ।
यी अर्का व्यक्ति, हिजो गीतमार्फत नै बालेनमाथि छ ठूलो आश, जनतालाई नपारे निराशा भन्दै थिए । आज फेरि गीतमार्फत नै, विरोध गरिरहेका छन् ।
चार महिनामा कसैले कायापलट खोजेको छैन । तर काम गर्ने ढंग नपुग्दा चार महिनामै जनता आजित बन्ने अवस्था भने पक्कै आएको छ । अब केही दृश्य हेरौं, जहाँ यो सरकारको काम स्वयंम् सरकारवादी दलकै प्रमुखलाई चित्त बुझेको छैन ।
प्रतिक्रिया