काठमाडौं– ‘मेयर सरूवा गर्नुपर्छ’ भन्ने अभिव्यक्ति दिएर भाइरल बनेका प्रतिनिधिसभा सांसद पारशमणि गेलालको यो भिडियो अहिले जताततै चर्चाको केन्द्रमा छ । जसमा उनी आफ्नै मतदाताबाट अपमानित भएका छन् । आफ्नो निर्वाचन क्षेत्रको समस्या बुझ्ने क्रममा स्थानीय आक्रोशित भएपछि उनी अप्रिय वातावरणको सामना गर्न बाध्य भए । स्थानीय पत्रकारहरूले प्रश्न सोध्दा सांसद भ्युजका लागि यहाँ आएको भनेपछि माहोल विवादित बनेको थियो । त्यसपछि त्यहाँ उपस्थित केही स्थानीय आक्रोशित हुँदै सांसद गेलाललाई ‘तपाईं त चिट्ठा परेर जित्नुभएको माननीय हो’ तथा ‘चाउचाउको कुपनमा परेको माननीय’ भन्दै आलोचना गरेका थिए । तनावको माहोल बनेपछि सांसद गेलाल त्यहाँबाट गाडी चढेर सुइकुच्चा ठोकेका थिए ।
त्यस्तै कैलाली ५ बाट चुनाव जितका केपी खनालप्रति पनि मतदाताले असन्तुष्टि पोखेका छन् । मतदाताले आफूहरूले नयाँ र युवालाई परिवर्तनका निम्ति भोट हालेको भए पनि नयाँ सरकारले पनि अपेक्षा गरे अनुसारको काम गर्न नसकेको भन्दै खनाललाई मतदाताले ¥याख्¥याख्ती पारेका हुन् । आफूहरूलाई घण्टीको ट्याग भिराइदिएको र घण्टीमा भोट हाल्नेहरू आलोचनाको सिकार हुँदा गाउँघरतिर हिड्न पनि सास्ती परेको मतदाताको भनाई छ ।
देश
प्रतिक्रिया