वारपारमा बालेन–स्वर्णिम, उथलपुथलमा रविको थामथुम, विदुषीको खेल, नयाँ अर्थमन्त्रीको खोजी (भिडियोसहित)

काठमाडौं– प्रधानमन्त्री बालेन शाह आफ्नै क्याबिनेटका कुनै मन्त्रीसँग असन्तुष्ट छन् भने ती हुन् अर्थमन्त्री डा. स्वर्णिम वाग्ले । देशले विज्ञ अर्थमन्त्री पाउँदा पनि अर्थतन्त्रमा सुधारको छाँटकाँट नदेखिएपछि प्रधानमन्त्री बालेन आफैँ अग्रसर भएका छन् । अहिले प्रधानमन्त्री बालेनको कब्जामा अर्थ मन्त्रालय छ । लामो समयसम्म प्रधानमन्त्रीको कब्जामा आफ्नो मन्त्रालय हुँदा पनि वाग्ले मौन छन् । अर्थमन्त्री स्वर्णिम वाग्लेले ढङ्ग नपु¥याउँदा देशको अर्थतन्त्र दबाबमा छ । लगानीकर्ताले समेत अर्थमन्त्रीलाई नपत्याउँदा बालेन अर्थमन्त्रीसँग रुष्ट देखिएका हुन् । यसबीचमा बालेनले अर्थमन्त्री परिवर्तन गर्न खोजेका थिए । तर पार्टी सभापति रवि लामिछाने त्यसमा तयार भएनन् । डा. स्वर्णिम वाग्लेलाई विज्ञ अर्थविद्को रूपमा देशको अर्थतन्त्रको जिम्मा लगाइए पनि अर्थतन्त्रमा देखिएको सङ्कटले प्रधानमन्त्री बालेनलाई निराश बनाएको छ । अर्थमन्त्री वाग्लेले बीवाईडी गाडी आयातमा कर छली गरेको खबर बाहिरिएपछि बालेन रुष्ट बनेका हुन् । अर्थतन्त्र सुधारको छनक नदेखिरहेको अवस्थामा नयाँ सरकार बनेयता सेयर बजारमा भइरहेको गिरावट र लगानीकर्तामा देखिएको निराशाले प्रधानमन्त्री र अर्थमन्त्रीबीच दरार ल्याएको छ । यसबीचमा प्रधानमन्त्रीले विभिन्न क्षेत्रका व्यवसायी र उद्योगीसँग छलफल गरे । त्यसमा अर्थमन्त्री वाग्लेलाई सहभागी गराएनन् । बरु रास्वपा सांसद विदुषी राणा सहभागी भइन् । यसरी अर्थमन्त्रालयमाथि नै अघोषित कब्जा गर्दा पनि वाग्ले मपाईं नै गरिरहेका छन् ।