काठमाडौं– राष्ट्रिय स्वतन्त्र पार्टी (रास्वपा) को चितवनमा जारी पहिलो ऐतिहासिक राष्ट्रिय महाधिवेशनको बन्दसत्रमा सभापति रवि लामिछानेले पेस गरेको राजनीतिक प्रतिवेदनबारे विभिन्न कोणबाट बहस र विश्लेषण हुन थालेको छ । २३ पृष्ठ लामो उक्त प्रतिवेदनमा ‘समानता, न्याय र सुशासन, नयाँ युगको सङ्कल्प’ मुख्य नारा दिइएको छ । प्रतिवेदनमा पार्टीको गठनदेखि हालसम्मको समीक्षा, नयाँ वैचारिक नीति (सामाजिक लोकतन्त्र) र शासकीय सुधारका एजेन्डाहरूलाई विस्तृत रूपमा समेटिएको छ । यस प्रतिवेदनमार्फत रास्वपाले आफ्नो दलीय दृष्टिकोण, मार्गचित्र र वैचारिक नीतिमा केही महत्त्वपूर्ण र नवीन परिवर्तनहरू ल्याएको छ । प्रतिवेदनमा सत्ता केन्द्रित राजनीति, भ्रष्टाचार, जवाफदेहिताको अभाव, अवसरवाद र बिचौलियाको प्रभावले लोकतन्त्र कमजोर बनेको उल्लेख गर्दै रास्वपाले प्रणाली सुधार, पुनःसंरचना र शुद्धीकरणको लक्ष्य लिएको जनाएको छ । सभापति लामिछानेले वैकल्पिक राजनीतिक शक्तिका लागि जनमत तयार भइसकेको र स्थापित दलहरू ‘फोहोरका थुप्रा’मा परिणत भइसकेको टिप्पणी गरेका छन् ।
रास्वपाको स्थापनाकालमा ‘संवैधानिक समाजवाद’लाई पार्टीको मार्गदर्शक सिद्धान्त मानिए पनि यस विषयमा उठ्दै आएका प्रश्नहरूको निरूपण गर्दै सभापति लामिछानेको प्रतिवेदनले ‘सामाजिक लोकतन्त्र’को सैद्धान्तिक अवधारणा अघि सारेको छ ।
देश
प्रतिक्रिया