काठमाडौँ – कर्मचारी सञ्चय कोषका प्रमुख प्रशासक तुलसी गौतमलाई सरकारले पदमुक्त गरेको छ । हिमालयन बैंक र नेपाल इन्भेष्टमेन्ट बैंकको बिग मर्जरमा अश्वभाविक चलखेल र शीर्ष नेताको नाममा आर्थिक संकलन गरेको आरोप लागेक गौतम पदमुक्त भएका छन् ।
डेढ वर्षअघि नै कानूनबमोजिम पदमुक्त भएका गौतम यसबीचमा हिमालयन बैंकको अध्यक्षसमेत रहेर पदमा टिकिरहेका थिए । उनले प्रधानमन्त्री शेरबहादुर देउवा र माओवादी अध्यक्ष प्रचण्डमार्फत अर्थमन्त्री जनार्दन शर्मालाई दबाबमा पार्न खोजेका थिए ।
तर मन्त्रिपरिषद्को पछिल्लो बैठकले सन्चयकोषको प्रशासक हुन त्यहीको कर्मचारी हुनुपर्ने वा सन्चयकर्ता हुनुपर्ने कानूनी व्यवस्था रहेको भन्दै अवकाश दिने निर्णय गरेको हो । तर गौतमले सो निर्णय कार्यन्वयन हुन नदिन प्रधानमन्त्री र माओवादी अध्यक्ष प्रचण्डमार्फत लबिङ गरिरहेको स्रोतले जनाएको छ ।
प्रतिक्रिया