काठमाडौँ – स्वास्थ्य तथा जनसंख्या मन्त्रालयले प्रवक्ताको जिम्मेवारी डा.कृष्णप्रसाद पौडेललाई दिएको छ। इपीडीमीयोलोजी तथा रोग नियन्त्रण महाशाखाका निर्देशक समेत रहेका डा.पौडेललाई मन्त्रालयले प्रवक्तामा नियुक्ति गरेको हो ।
इडीसीडीको जिम्मेवारीसहित प्रवक्ताको पनि जिम्मेवारी पाएको डा पौडेलले बताए। उनले आजदेखि नै प्रवक्ताको जिम्मेवारी सम्हाल्नेछन्।
उनले भने, ‘भर्खरै इमेल मार्फत पत्र पाए। मैले इडीसीडी सहित प्रवक्ताको जिम्मेवारी पाएको हुँ।’
यसअघि मन्त्रालयको प्रवक्ता डा जागेश्वर गौतम थिए। उनी कोडिभ–१९ केन्द्रीय युनिफाइड अस्पतालको प्रमुख कार्यकारी अधिकारी भएपछि मन्त्रालयको प्रवक्ताको पद खाली थियो।
प्रतिक्रिया