काठमाडौँ – शुक्रराज ट्रपिकल तथा सरुवा रोग अस्पताल टेकुमा कोभिड–१९ को पीसीआर परीक्षण स्थगित भएको छ । देशकै पहिलो कोभिड परीक्षण र उपचार गरेको अस्पतालले मंगलबार एक सूचना निकालेर अस्पतालमा हुँदै आएको कोभिडको पीसीआर परीक्षण नहुने जानकारी गराएको हो । अस्पतालका निर्देशक सागरकुमार राजभण्डारीद्वारा जारी सूचनामा ‘विशेष कारण’ भन्दै परीक्षण स्थगित गरेको हो ।
राजभण्डारीका अनुसार पीसीआर गर्नको लागि चाहिने आरएन एक्सट्रयाक्सन सकिएकाले परीक्षण स्थगित गरिएको हो । केही समययता परीक्षण गराउनेको संख्या घटेपछि कम किट आयात गरिएको र अहिले परीक्षण गराउने बढेपछि अभाव भएको उहाँको भनाइ छ ।
![](https://i0.wp.com/new.yohokhabar.com/wp-content/uploads/2021/05/183959636_4225349054155932_4216065035296011264_n-528x768.jpg?resize=528%2C768&ssl=1)
गएको १५ दिन यता ह्वात्तै संक्रमण बढेकाले एक्सट्रयाक्सन किट छिटै सकिएको उहाँले बताउनुभयो । पछिल्लो दुई दिन देखि नै त्यहाँ कोभिडको परीक्षण हुन छाडिसकेको थियो ।
प्रतिक्रिया