नेपाल सुपर लिग फुटबलमा आज दुई खेल हुँदै

काठमाडौँ – पहिलो संस्करणको नेपाल सुपर लिग फुटबल अन्तर्गत आज दुई खेल हुँदैछ ।

त्रिपुरेश्वरस्थित दशरथ रंगशालामा दिउँसो साढे २ बजे हुने आजको पहिलो खेलमा विराटनगर र धनगढीबीच प्रतिस्पर्धा हुनेछ ।

विराटनगर रंजित धिमाल र धनगढी किरण चेम्जोङको कप्तानीमा मैदानमा उत्रनेछन् । यस्तै आजको दोस्रो खेलमा पोखरा र बुटवलबीच प्रतिस्पर्धा हुनेछ । पोखरा र लुम्बिनीबीचको खेल साँझ साढे ५ बजे सुरु हुनेछ । पोखरा अनिल गुरुङ र बुटवलको विशाल श्रेष्ठको कप्तानीमा मैदानमा उत्रनेछन् ।