एक्कासी बुढीगण्डकीको वितण्डा, पहाड खसेर खोलै थुनियो, भागेर ज्यान जोगाए, १० बेपत्ता, सेना खोज्दै (भिडियोसहित)

काठमाडौं– गत भदौ १० गते भोटेकोशीमा आएको विनाशकारी बाढीको ठिक ४६ दिनपछि अचानक गोरखाको बुढीगण्डकीमा भयानक बाढी आयो । लाङटाङ हिमालमा हिमपहिरो जाँदा लेखेन्दे खोलामा आएको शक्तिशाली बाढी जसले नेपाल मात्र होइन विश्वलाई नै चिन्ता थपिरहेको बेला सोही बाढीको झल्को दिनेगरी बूढीगण्डीकीमा बाढी आएको हो । आइतबार बिहान करिब ४ बजे लेदोसहितको बाढी आएपछि स्थानीय र पर्यटकहरुले भागेर ज्यान जोगाउँदा १० जना बेपत्ता छन् । सडकदेखि पुलसम्म बगाउँदा आवतआजत ठप्प भएको छ । भने धादिङमा मात्रै ४० घर बगाउँदा तटिय क्षेत्रका बस्तीहरु तहसनहसहरु भएका छन् । वर्षा नभइ कसरी बुढीगण्डकीमा सोच्नै नसक्ने गरि बाढी आयो ?, कहाँ के कति क्षति पुर्यायो र राज्यले उद्धारमा कस्तो तत्तपरता देखाएको छ ? सर्वत्र चासोको विषय बनेको छ ।