काठमाडौं— फागुन २१ गतेका लागि तोकिएको निर्वाचनमा विदेशमा रहेका नेपालीहरूले उतैबाट मतदान गर्न पाउने व्यवस्थाको निकै चर्चा भएको थियो । यसका साथै नेपालभित्रै पनि एक जिल्लाका मतदाताले अर्को जिल्लाबाटै भोट हाल्न पाउने (अन्तरजिल्ला भोटिङ) व्यवस्था गरिने कुराले निकै प्राथमिकता पाएको थियो । २०३७ सालको जनमत सङ्ग्रहमा विदेशमा बस्ने नेपालीले मतदान गरेको इतिहास दोहोरिने चर्चाले विदेशमा रहेका र नेपालभित्रै थातथलोभन्दा बाहिर रहेका मतदाताहरू उत्साहित भएका थिए । यस विषयमा नेपाल सरकार, निर्वाचन आयोग र सरोकारवालाहरूबीच पटक–पटक छलफल पनि भए । यहीक्रममा गृहमन्त्री ओमप्रकाश अर्यालले पनि उत्साहित हुँदै फागुन २१ को निर्वाचनमा विदेशमा रहेका नेपालीहरूले समानुपातिकतर्फ भए पनि मतदान गर्न पाउने व्यवस्था गरिने बताएका थिए ।
देश
प्रतिक्रिया