धान खेतमा पानी लगाउँदा करेन्ट लागेर किसानको मृत्यु

काठमाडौं— रौतहटमा धान खेतमा पानी लगाउने क्रममा करेन्ट लागेर एक किसानको मृत्यु भएको छ । जिल्लाको ईशनाथ नगरपालिकामा धान खेतमा पानी लगाउने क्रममा करेन्ट लागेर ५५ वर्षीय शेख जाफिरको मृत्यु भएको हो ।

धान खेतमा पानी हाल्न प्रयोग गरेको विद्युतीय मोटरबाट करेन्ट लाग्दा ५५ वर्षीय शेख जाफिरको मृत्यु भएको हो । करेन्ट लागेर गम्भीर घाइते भएका जाफिरलाई उपचारका लागी प्रादेशिक अस्पताल गौरमा पुर्‍याइको थियो । उनको उपचारकै क्रममा मृत्यु भएको जिल्ला प्रहरी कार्यालय रौतहटले जनाएको छ ।

मृतकको शव पोष्टमार्टमका लागि प्रादेशिक अस्पताल गौरमा राखिएको बताईएको छ ।