काठमाडौं— गत वैशाख १८ गते योहो टेलिभिजनको टिम कीर्तिपुरस्थित राधास्वामी सत्संग व्यास नेपालमा रहेको होल्डिङ सेन्टरमा पुग्दा सरकारले अपराधीलाई जस्तो व्यवहार गर्दै प्रवेशमा रोक लगाएको थियो । त्यसका बाबजुद होल्डिङ सेन्टरभित्र प्रवेश गरेको हाम्रो टिमले कैदीसरहको जीवन बिताइरहेका र मृत्युसँग लडिरहेका सुमवासी भेषराज दर्जीलाई भेटेको थियो । बिरामी अवस्थामै सरकारको शरणमा पुगेका उनले हामीसँग सकिनसकी भनेका थिए, ‘अस्पताल जाने पैसा छैन, सरकारले व्यवस्था गर्छु भनेको छ, कहिले गर्छ थाहा छैन ।’
तर उनको यो बिलौना न सम्पूर्ण राज्यशक्ति लगाएर उठिबास लगाएका प्रधानमन्त्री बालेन्द्र शाहले सुने, न त बालेनका कुनै मन्त्रीले नै सुने, न त हेरचाहको जिम्मा पाएको काठमाडौँ महानगरपालिकाले नै सुन्यो । उनलाई सयौँ जनाको भिडमा एउटै छानामुनि कैदीसरह राखियो । यसक्रममा न उनको स्वास्थ्यको ख्याल गरियो, न त खानपिनकै व्यवस्था राम्रोसँग गरियो । फलतः फोक्सोमा पानी जम्ने समस्याबाट ग्रसित दर्जीले हामीमार्फत सरकारलाई बिलौना गरेको एक महिनापछि बिहीबार वीर अस्पतालको बेडमा अन्तिम सास फेरे ।
देश
प्रतिक्रिया