दर्शक रुवाएर रेकर्डको यात्रामा ‘अञ्जिला’, सलामानको फिल्मलाई धक्का, प्रकाश सपुतलाई ‘शो’को चिन्ता (भिडियो)

काठमाडौं—यतिबेला नेपाली महिला फुटबलको चर्चासँगै राष्ट्रिय महिला फुटबल टोलीकी क्याप्टेन अञ्जिला तुम्बापो सुब्बाको जीवन कथामा आधारित चलचित्र ‘अञ्जिला’ले देश विदेशमा धमाका मच्चाइ रहेको छ । फागुन १९ गतेदेखि प्रदर्शनमा आएको चलचित्र अञ्जिलाले दर्शकको राम्रो साथ पाइरहेको छ ।

अञ्जिला हलमा लागेको चौथो हप्ता प्रवेश गर्दा पनि लोकप्रियता कायम छ भने भारतीय सुपरस्टार सलमान खानको चलचित्र सिकन्दारलाई समेत धक्का दिएको छ । हरेक वर्ष मुस्लिम धर्मावलम्बीहरुको प्रमुख चाड ईदमा आफ्नो चलचित्र रिलिज गर्दै आएका सलमान खानको चलचित्र सिकन्दरलाई समेत अञ्जिलाले झट्का दिएको छ ।