पूर्वराजालाई ताली नेतालाई गाली, थुन्ने मुडमा ओली–प्रचण्ड, माधवको पार्टी भन्छ– १५ गते ट्रेलर देखाउँछौँ (भिडियो)

काठमाडौं— पूर्वराजा ज्ञानेन्द्र शाहले सडकमा पक्षधरको ग्याङ उतारेपछि आफ्नो हविगत ल्याङफ्याङ हुने बुझेका राजनीतिक दलहरु एकत्रित हुन थालेकाछन् । अरुबेला सत्तापक्ष र प्रतिपक्षको मापन गर्नेहरु अहिले एउटै स्वरमा ज्ञानेन्द्रको प्रतिवाद गर्ने लाईनमा पुगेकाहुन् ।

राजावादीहरुको फागुन २५को भिडले भित्रभित्रै डराएकाहरु ‘बहादुरी से पिछे हटगया’को अवस्थामा रहेपनि प्रतिवाद गर्ने भन्न, भने छोडेका छैनन् । ज्ञानेन्द्र शाह अहिले जता–जता जान्छन्, त्यही नै राजनीतिक माहोल बन्ने गरेको छ । देशकै एक ठाउँबाट अर्काे स्थानमा पुग्दा त्यहाँ विशाल जनप्रदर्शनसहित शुभचिन्तक र समर्थकहरूको ओइरो लागिरहेको छ ।

चाहे त्यो पोखराबाट काठमाडौं फिर्ता हुँदा होस् वा काठमाडौंबाट आफ्नो पूख्र्यौली थलो गोरखा पुग्दा होस् । उनको पक्षमा जयजयकार ध्वनी गुञ्जिएको छ । शनिबार गोरखा दरबारस्थित गोरखकाली र शाह वंशीय राजाहरूको राजपाठ सञ्चालनमा विशेष सम्बन्ध रहेको गोरखनाथ मन्दिरमा विशेष पूजा अर्चना गरेका ज्ञानेन्द्रले आइतबार पनि मनकामना मन्दिरमा पूजा पाठ गरेका छन् । जुन क्रममा शुभेच्छुकहरूले ज्ञानेन्द्रलाई राजाकै हैसियतमा सम्मान दिए ।