काठमाडौं—राजावादीहरु सल्बलाइरहेका बेला राष्ट्रिय स्वतन्त्र पार्टी (रास्वपा) ले पनि राजा फर्काउने आन्दोलनलाई सर्मथन गरे के होला ? त्यसैमा काठमाडौं महानगरका मेयर बालेन शाहले ऐक्यबद्धता जनाए कस्तो होला ? एक्कैछिन् सोच्नुहोस् त ?हो यो विषयअहिलेलाई काल्पनिक भए पनि असम्भव भने पक्कै होइन । राजनीतिक वृत्तमा एउटा भनाइ छ, ‘राजनीतिमा सबै कुरा सम्भव छ ।’ कुनै समय गुरु चेला जस्तो सम्बन्ध भएका वर्तमान प्रधानमन्त्री केपी शर्मा ओली र पूर्वगृहमन्त्री रवि लामिछाने हाल एकअर्काको विरोधी भएका छन् ।
असार १७ गते रातारात तत्कालीन प्रचण्ड नेतृत्वको सरकार ढालेर नयाँ समीकरण बनेपछि कात्तिक दुई गते लामिछानेलाई वर्तमान सरकारले पाँच जिल्ला फनफनी घुमाए पछि रवि र ओलीबीच दरार बढेको हो । अहिले आएर ओलीका लागि उनै रवि सबै भन्दा धेरै घातक बनेका छन् । चौतर्फी घेराबन्दीमा परेका वर्तमान प्रधानमन्त्री ओलीलाई न त देश भित्रै साथ, सहयोग छ न त बाह्य शक्तिकै । फलतः उनी कमजोर र निरीह प्रधानमन्त्री बनिरहेका छन् ।
प्रतिक्रिया