काठमाडौँ— राष्ट्रिय खेलकुद परिषद् राखेप ले नेपाल टी–२० लिगको फिक्सिङ सम्बन्धमा छानबिन गर्न गठन गरेको कार्यदलले नेपाल क्रिकेट संघ क्यान लाई सबै कागपत्रसहित २४ घन्टाभित्र उपस्थित हुन पत्र काटेको छ ।
एकेन्द्र कुँवरको संयोजकत्वमा रहेको पाँच सदस्यीय छानबिन कार्यदलले शुक्रबार क्यानलाई पत्र पठाएको हो । कार्यदलको पहिलो दिन क्यानलाई ६ बुँदामा पत्र काटेको संयोजक कुँवरले नयाँ पत्रिकालाई जानकारी दिएका छन् ।
क्यानले आफैँले आयोजना गरिरहेको टी–२० लिग सुरुअघि नै विवादास्पद बनेको थियो । क्यानले भारतीय कम्पनी सेभेन थ्रीसँग आठवर्षे सम्झौता गरेको छ । नेपालमा सुरक्षाको कारण देखाउँदै कम्पनीका प्रमुखजति अहुवालिया अहिले भारतमा छन् ।
भारतमै सेभेन थ्री स्पोर्टस् एक विवादास्पद कम्पनीका रूपमा हेरिएको छ । भारतमा आयोजना हुने विभिन्न किसिमका क्रिकेट प्रतियोगितामा यो कम्पनीले सहकार्य गर्दा आर्थिक चलखेलदेखि फिक्सिङ हुने गरेको पाइन्छ ।
क्यानसँगको सम्झौतापत्रमै ‘सट्टेबाज घरानाहरू’ उल्लेख छ । यसले लिगमा सट्टेबाजहरू संलग्न हुन पाउने देखिन्छ । सन् २०१८ मा सेभेन थ्री स्पोर्टस् आइपिएलसँग जोडिएको थियो । भारत मात्र नभएर सेभेन थ्री स्पोर्टस् बंगलादेशमा आयोजना हुने लिगमा समेत सहकार्य गरिरहेको छ ।
कुनै पनि देशको फ्रेन्चाइज लिगमा आबद्ध हुन श्रम स्वीकृत अनिवार्य मानिन्छ । तर, नेपाल टी–२० लिगमा विदेशी खेलाडीहरूले अहिलेसम्म श्रम स्वीकृति प्राप्त गर्न सकेका छैनन् । क्यानले २४ घन्टाभित्र प्रतियोगिता आयोजना गर्न पूर्वविभिन्न निकायबाट लिएको स्वीकृतपत्रसमेत बुझाउनुपर्नेछ ।
लिगमा फिक्सिङ भएपछि अन्तर्राष्ट्रिय क्रिकेट काउन्सिल ९आइसिसी०ले समेत आफ्नो अनुसन्धान अगाडि बढाएको छ । आइसिसीका दुई प्रतिनिधि आफ्नो कार्यसम्पदान गरी शुक्रबार फर्केका छन् । यसै मंगलबार लिगका नेपाली कमेन्टेटर सचिन तिमल्सिनाले लिगमा स्पट फिक्सिङ र म्याच फिक्सिङ भइरहेको सामाजिक सञ्जालमा खुलासा गरेका थिए ।
उनले पटक–पटक सम्बन्धित निकायलाई यसको जानकारी दिँदा कुनै सुनुवाइ नभएका कारण आफूले कमेन्ट्री छाडेको बताए । त्यसपछि काठमाडौं नाइट्सका कप्तान ज्ञानेन्द्र मल्लले लिगमा आफ्ना खेलाडीलाई प्रस्ताव आएको जानकारी दिएका थिए । यी दुई घटनापछि राखेपले छानबिन गर्न पाँच सदस्यीय कार्यदल गठन गरेको हो ।
यस कार्यदललाई १५ दिनभित्र प्रतिवेदन बुझाउन भनिएको छ । साथै, म्याच फिक्सिङको सन्दर्भमा गृह मन्त्रालयको निर्देशनमा नेपाल प्रहरीको अनुसन्धान ब्युरो ९सिआइबी०ले समेत छानबिन गरिरहेको छ ।
प्रतिक्रिया