कांग्रेसको पदाधिकारी बैठक बस्दै

काठमाडौँ – प्रमुख प्रतिपक्षी दल नेपाली कांग्रेसको पदाधिकारी बैठक आज बस्दैछ ।
सभापति शेरबहादुर देउवाले आफ्नै निवास बुढानिलकण्ठमा दिउँसो २ बजे बैठक बोलाउनुभएको हो । बैठकमा प्रतिनिधिसभाको विशेष अधिवेशन, प्रधानमन्त्रीले लिने विश्वासको मतलगायतका विषयमा छलफल हुने नेताहरूले बताएका छन् । कांग्रेसले आफ्नै नेतृत्वमा सरकार बनाउने निर्णय यसअघि नै गरिसकेको छ । प्रधानमन्त्रीको पक्षमा विश्वासको मत पुग्न नदिने रणनीति अख्तियार गरिने कांग्रेस नेताहरूले बताएका छन् ।