काठमाडौं— हावाहुरीले विभिन्न जिल्लाहरुमा क्षति पुर्याएको भन्दै सांसदहरुले पीडितहरुलाई राहत तथा उचित बासको प्रबन्ध मिलाउन सरकारको ध्यानाकर्षण गराएका छन् । हावाहुरीका कारण बागलुङ, गुल्मी र प्युठानमा ठूलो क्षति पुर्याएको भन्दै आजको प्रतिनिधि सभा बैठकमा सांसदहरुले पीडितहरुलाई राहत तथा उचित बासको प्रबन्ध मिलाउन सरकारको ध्यानाकर्षण गराएका हुन् ।
बागलुङ जिल्लाको बडिगाड गाउँपालिका क्षेत्रमा असिनापानीसहितको हावाहुरीले दुई दर्जनभन्दा बढी घरमा क्षति पुगेको छ । कृषि बालीसमेत नष्ट भएको छ । विद्यालयको छाना उडेकाले विधार्थीहरुको पढाइ प्रभावित भएको छ भने बिजुलीका पोल ढलेर विद्युत सेवा अवरुद्ध भएको छ ।
यसैबीच, बागलुङ, गुल्मी र प्युठानमा हावाहुरीले पुर्याएको क्षतिबारे पनि आजको प्रतिनिधिसभा बैठकमा ध्यानाकर्षण भएको छ ।
यसैगरी गुल्मीका मालिका, नेटा, घमिरलगायत क्षेत्रमा करिब १५० घरको छाना उडेको, खाद्यान्न नष्ट भएको र बालीनालीमा क्षति पुगेको जानकारी गराउँदै प्रभावित नागरिकका लागि राहत तथा पुनर्स्थापनाको व्यवस्था गर्न सरकारको ध्यानाकर्षण गराईएको छ ।
प्रतिक्रिया