काठमाडौं— सरकार बनेको एक साता पुग्न नपाउँदै सामान्य जस्ता लाग्ने तर केही सुधारका कामहरु देखिन थालेका छन् । सुशासनको मामिलामा सरकारले सुरु गरेको पक्राउको श्रृंखला त छँदैछन् । त्यसबाहेक यस्ता सामान्य काम धमाधम भइरहेका छन् जसले आम जनजीवनमा प्रत्यक्ष प्रभाव पारिरहेको छ । अघिल्ला सरकार र मन्त्रीहरुको समयमा अहिले सिंहदरबारमा तडकभडक हुन्थ्यो । त्यो कुनै कामको नभई कार्यकर्ताको, बधाई र खादा माला लगाउनेहरुले सिंहदरबार गुलजार बन्थ्यो तर, अहिले यस्ता गतिविधिमा सिंहदरबार सक्रिय छैन । यसैले पनि सरकारको ध्यान कतातर्फ छ भन्ने स्पष्ट पार्छ । सरकारले संरचनागत सुधारका लागि ल्याएका १०० कार्यसूची र रास्वपाको वाचापत्रका आधारमा केही सुधारका कामहरु सुरु गरिसकेको छ । गर्न सकिने काममा तत्कलै एक्सन लिइँदैछ ।
देश
प्रतिक्रिया