बालेन र हर्ककै उम्मेदवारी धरापमा, ‘छौरा’ भन्दा महेश बस्नेत फसे, कडा रुपमा प्रस्तुत हुँदै निर्वाचन आयोग (भिडियोसहित)

काठमाडौं— फागुन २१ को प्रतिनिधि सभा निर्वाचनको मिति नजिकिँदै गर्दा पार्टीका नेता तथा उम्मेदवारहरूका उत्तेजक अभिव्यक्ति र आरोप–प्रत्यारोपले चुनावी माहोल बिथोलिने देखिएको छ । निर्वाचन आचारसंहिताको ठाडो उल्लङ्घन गर्दै सामाजिक सञ्जालमा भइरहेको व्यापक प्रचार–प्रसार, दलका नेताहरूले दिने अभिव्यक्ति र सार्वजनिक वृत्तमा देखिएका गतिविधिले चुनाव शान्तिपूर्ण हुनेमै शङ्का पैदा भएको छ । जहाँ दलहरूले निर्वाचन आयोगको मापदण्ड विपरीत घरदैलो, अनौपचारिक ¥याली, तडकभडक र भीडभाडका क्रियाकलापहरू गरिरहेका छन् । जसमा निर्वाचन आयोगले रास्वपाका वरिष्ठ नेता बालेन्द्र शाह, एमाले सचिव महेश बस्नेत, श्रम संस्कृति पार्टीका अध्यक्ष हर्क साम्पाङसहित १५ जनालाई निर्वाचन आचारसंहिता विपरीत गतिविधि गरेको भन्दै स्पष्टीकरण नै सोधेको छ ।