डडेल्धुरामा जीप भिरबाट खस्यो, घटनास्थलमै ४ जनाको मृत्यु

काठमाडौँ । डडेल्धुरामा जीप दुर्घटना हुँदा ४ जनाको घटनास्थलमै मृत्यु भएको छ।

नवदुर्गा गाउँपालिका–५ को उकल्ली काणे भन्ने स्थानमा बिहीबार बिहान करिब ८ बजे चामाबाट डडेल्धुरातर्फ गइरहेको से १ ज ७३८ नम्बरको जीप करिब ४ सय मिटर तल खस्दा दुर्घटना भएको हो।

प्रहरीका अनुसार दुर्घटनामा परेका अन्य ६ जना घाइते भएका छन्। घाइतेहरूलाई उपचारका लागि डडेल्धुरा अस्पताल पठाइएको छ। मृतक र घाइतेहरूको परिचय भने अहिलेसम्म खुलेको छैन।

दुर्घटनाग्रस्त जीपमा चालकसहित १० जना सवार थिए। घटनाको थप अनुसन्धान भइरहेको प्रहरीले जनाएको छ।