काठमाडौं— सोमबार नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ नेपाल कम्युनिस्ट पार्टी (नेकपा) का महासचिव नेत्रविक्रम चन्द ‘विप्लव’लाई भेट्न उनको निवास पुगे । प्रचण्ड सधैँ देखिँदै आएको भन्दा फरक पहिरनमा थिए । सेतो कुर्ता–सुरुवाल, इस्टकोट र कालो भादगाउँले टोपी लगाएर दलबलसहित विप्लवको ललितपुरस्थित हरिसिद्धि निवासमा पुगे । नेकपाका नेता–कार्यकर्ताले प्रचण्डलाई बाटोदेखि नै पुष्पगुच्छा दिएर स्वागत गर्दा विप्लवले भने मूल ढोकामा बसेर आतिथ्य सत्कार गरेका थिए । विप्लवले अतिथि सत्कारमा कुनै कसर बाँकी राखेनन् । उनले प्रचण्डलाई आफ्नो कार्यकक्षमा लगेर आफू बस्ने सोफामा बसाए ।
राजनीति
प्रतिक्रिया